मन्त्रिपरिषदको आकस्मिक बैठक आव्हान

काठमाडौंबाट यात्रु लिएर पोखराका लागि उडेको यती एयरलाइन्सको एएनसी एटीआर ७२ जहाजको दुखद र त्रासदीपूर्ण दुर्घटनाप्रति दुख व्यक्त गर्दै प्रधानमन्त्री पुष्पकमल दाहाल प्रचण्डले मन्त्रिपरिषदको आकस्मिक बैठक बोलाउनुभएको छ।

दुर्घटनाप्रति प्रचण्डले दुख व्यक्त गर्दै प्रभावकारी उद्दारमा लाग्न गृह मन्त्रालय, सुरक्षाकर्मी, नेपाल सरकारका सम्पूर्ण निकायलाई निर्देशन दिनुभएको छ। दुर्घटनाको बिवरण बुझ्न प्रधानमन्त्री त्रिभुवन विमानस्थल प्रस्थान गर्नुभएको छ।

प्रधानमन्त्री पुष्पकमल दाहाल प्रचण्डले अन्य सबै कार्यक्रमहरू रद्द गर्नुभएकाे र उद्दारका लागि सम्पूर्ण संयन्त्रकाे प्रभावकारी परिचालनका लागि निर्देशन दिनुभयाे ।