पल शाहविरुद्ध नवलपरासीमा मुद्दा दर्ता

अभिनेता पल शाहविरुद्ध जिल्ला अदालत पूर्वी नवलपरासीमा बिहीबार  बलात्कारको अभियोगमा मुद्दा दर्ता भएको छ । 

किशोरीले आफूलाई एक वर्षअघि गैंडाकोटको होटलमा बलात्कार गरेको भन्दै इलाका प्रहरी कार्यालय गैंडाकोटमा पलविरुद्ध उजुरी दिएकाे उजुरी उपर प्रहरीले अनुसन्धान सकेर सरकारी वकिलकाे कार्यालयमा प्रतिवेदन दिएकाे थियाे ।

सरकारी वकिल कार्यालयले किशोरीको उजुरीको आधारमा बिहीबार मुद्दा दर्ता गरेको हो ।

२०७७ चैत ७ गते एउटा गीतको सुटिङको क्रममा गैंडाकोटकाे एक हाेटलमा राति पल शाहले बलात्कार गरेको किशाेरीकाे उजुरी थियाे । एकैदिन सकिने छायांकनलाई दुई दिन लगाई राति रक्सी खुवाएर बलात्कार गरेको आरोप ती युवतीको छ ।

शाह विरूद्ध नाबलिका बलात्कारकाे अभियाेगमा १२ वर्षदेखि १४ वर्षसम्म कैद सजाय र किशोरीलाई क्षतिपूर्ति दिनपर्ने माग सहित मुद्दा दायर गरिएकाे हाे ।

बलात्कारका अभियाेगमा वारदात भएकाे १ बर्षभित्र मुद्दा दर्ता गर्नुपर्ने प्रावधान छ।