भारतीय विदेशमन्त्री नेपालमा, प्रधानमन्त्रीसँग भेटवार्ता

भारतीय विदेशमन्त्री एस जयशंकर नेपाल आउनुभएकाे छ । भारतमा नरेन्द्र माेदीकाे नेतृत्वमा सरकार गठन भएपछि नेपाल भ्रमणमा आउने जयशंकर नै उच्च अधिकारी हुनुहुन्छ ।

यद्यपि जयशंकर नेपाल भारत संयुक्त आयाेगकाे नियमित बैठकमा भाग लिनका लागि नेपाल आउनुभएकाे हाे ।

नेपाल आएलगत्तै उहाँले प्रधानमन्त्री केपी शर्मा ओलीसँग भेटवार्ता गर्नुभएकाे छ ।

विदेशमन्त्री जयशंकरले प्रधानमन्त्री ओलीलाई भेट्न बालुवाटार जानुभएकाे थियाे ।

आयोगको बैठक आज बुधबार नै शुरू हुँदैछ । २ दिने बैठकमा नेपाल र भारतका परराष्ट्रमन्त्रीले अध्यक्षता गर्ने प्रचलन रहेकाे छ ।

विहीबारसम्म चल्ने बैठकमा  नेपाल र भारतबीचका विभिन्न विषयमा छलफल हुनेछ ।

भारतीय  विदेशमन्त्री जयशंकरले बिहीबार राष्ट्रपति विद्यादेवी  भण्डारीसँग शिष्टाचार भेटवार्ता गर्ने कार्यक्रम रहेकाे छ ।