कम्युनिस्टलाई सरकारबाट हटाउँछौ– कांग्रेस सभापति देउवा

प्रमुख प्रतिपक्ष दल नेपाली कांग्रेसका सभापति शेरबहादुर देउवाले नेपाली कांग्रेसले कम्युनिस्टलाई सरकारबाट हटाएरै छाड्ने दाबी गर्नुभएको छ ।

शनिबार सिन्धुलीको गोलन्जोर गाउँपालिका–३ ग्वालटारमा योद्वा बाबुराम बरालको सालिक अनावरण गर्ने क्रममा सभापति देउवाले यस्तो बताउनुभएको हो । कार्यक्रममा सभापति देउवाले राणा, पञ्चायत र राजा सबैलाई कांग्रेसले नै हटाएको र अब कम्युनिस्टलाई पनि सरकारबाट हटाउने दाबी गर्नुभयो ।

सभापति देउवाले भन्नुभयो– ‘राणा, पंचायत र राजालाई सत्ताबाट हटाएको नेपाली कांग्रेसले नै हो अब कम्युनिष्ट सरकारलाई हटाउने पालो आएको छ र हामी त्यो छिट्टै पूरा गर्नेछौँ ।’ शुक्रबार प्रतिपक्षीलाई पेलेरै संसदबाट राष्ट्रिय चिकित्सा शिक्षा विधेयक पास गरेर वर्तमान कम्युनिष्ट सरकारले अधिनायकवाद लाद्न थालेको देउवाको आरोप छ ।