भारतीय प्रधानमन्त्री मोदीको सपथ ग्रहणमा प्रधानमन्त्री प्रचण्ड जानुहुने

प्रधानमन्त्री पुष्पकमल दाहाल प्रचण्ड भारतका प्रधानमन्त्री नरेन्द्र मोदीको नेस्राे कार्यकालकाे सपथ ग्रहण समारोहमा सहभागी हुनुहुने भएकाे छ । सिंहदरबारमा भएको मन्त्रिपरिषद्को बिहीबारको बैठकले प्रधानमन्त्री प्रचण्डकाे भारत भ्रमण स्वीकृत गरेको हो ।

प्रधानमन्त्री दाहालले आगामी शनिबारदेखि गर्ने भारतको दुई दिने  भ्रमण स्वीकृत गरेको सरकारकी प्रवक्ता एवं सञ्चार तथा सूचना प्रविधिमन्त्री रेखा शर्माले जानकारी दिनुभयाे ।

हालै सम्पन्न लोकसभा निर्वाचनमा भारतीय जनता पार्टीको गठबन्धनले बहुमत पाएको छ । भाजपा नेता मोदीले भारतको प्रधानमन्त्रीमा तेस्रो कार्यकालको शपथ ग्रहण आइतबार साँझका लगि तय भएकाे छ ।

आइतबार साँझ हुने उक्त समारोहमा  निम्ता मान्न प्रधानमन्त्री प्रचण्ड भारत भ्रमणमा जान लाग्नुभएकाे हाे ।

११ देशका राजदूत फिर्ता

त्यस्तै मन्त्रिपरिषद् बैठकले ११ देशका राजदूत फिर्ता बोलाउने निर्णय गरेको छ । मन्त्री शर्माका अनुसार भारतका लागि नेपाली राजदूत डा. शंकरप्रसाद शर्मा, बेलायतका लागि नेपाली राजदूत ज्ञानचन्द्र आचार्य, शर्मिला पराजुली ढकाल स्पेन, राम राय डेनमार्क, अमेरिकाका लागि नेपाली राजदूत प्रा. श्रीधर खत्री, इजरायलका लागि नेपाली राजदूत कान्ता रिजाललाई फिर्ता बोलाइने भएको हो ।

यस्तै दक्षिण कोरियाका लागि नेपाली राजदूत प्राडा. ज्योति प्याकुरेल भण्डारी, नवराज सुवेदी साउदी, कतारका लागि नेपाली राजदूत नरेश विक्रम ढकाल र मलेसियाका लागि नेपाली राजदूत डिल्लीराज पौडेललाई पनि फिर्ता बोलाउने निर्णय सरकारले गरेको छ ।

यी राजदूतहरु अघिल्लो कांग्रेससहितको सत्ता गठबन्धनका बेला नियुक्त भएका थिए । सत्ताको दलीय समीकरण फेरिएसँगै माओवादी, एमाले, रास्वपा र जसपा गठबन्धनले नयाँ नियुक्तिका लागि राजदूत फिर्ता बोलाउने भएको हो ।

००००