त्रिभुवन विश्वविद्यालयको उपकुलपतिका लागि ३ जना सिफारिस
त्रिभुवन विश्वविद्यालयको उपकुलपति नियुक्तिका लागि तीन जनाको नाम सिफारिस गरिएको छ।
सहकुलपति समेत रहेका शिक्षामन्त्री अशोक राई नेतृत्वको उपकुलपति छनोट तथा सिफारिस समितिले नाम सिफारिस गरेको शिक्षा विज्ञान तथा प्रविधि मन्त्रालयले जनाएको छ।
सर्टलिष्टमा परेका १४ जनामध्ये अन्तर्वार्तापछि प्रा. डा. चित्रबहादुर बुढाथोकी, प्रा. डा. केशरजंग बराल र प्रा. डा. टंकनाथ धमलाको नाम उपकुलपतिका लागि सिफारिस भएको हो ।
अब सिफारिस भएका ३ जनामध्येबाट एक जनाले नियुक्ति पाउनेछन् ।
उपकुलपतिका लागि ४३ जनाले आवेदन दिएकामा ‘सर्टलिस्ट’ मा १४ जना परेका थिए। तीमध्ये तीन जनाको नाम कुलपति समेत रहेका प्रधानमन्त्री पुष्पकमल दाहाल ‘प्रचण्ड’ लाई आइतबार सिफारिस गरिएको हो।
चित्रबहादुर बुढाथोकीसँग त्रिवि शिक्षा संकायका डिन, केशरजंग बरालसँग पोखरा विश्वविद्यालयका पूर्वउपकुलपति र टंकनाथ धमलासँग त्रिवि गणित विभागका प्रमुख भइ काम गरेकाे अनुभव छ ।
