माैसमः पाँच प्रदेशका केही स्थानहरूमा भारी वर्षाकाे संभावना

जल तथा माैसम विज्ञान विभाग, पूर्वानुमान महाशाखाका अनुसार हाल मनसुनको न्यून चापीय रेखा सरदर स्थान आसपास अवस्थित रहेको छ । त्यस्तै अरब सागर तथा बङगालको खाडिबाट जलवाष्पयुक्त हावाको समेत प्रभाव रहेको छ ।

महाशाखाले आज दिउँसो देशभर साधारणतया बदली रहने देशका बिभिन्न स्थानमा मध्यम एवं भारी वर्षाकाे संभावना रहेकाे जनाएकाे छ ।

महाशाखाका अनुसार बागमती प्रदेश, गण्डकी प्रदेश, लुम्बिनी प्रदेश र सुदूरपश्चिम प्रदेश लगायत देशको पहाडी भू-भागका केही स्थानहरूमा र बाँकी भू-भागका थोरै स्थानहरूमा मध्यम वर्षा तथा बागमती प्रदेश, गण्डकी प्रदेश, लुम्बिनी प्रदेश, कर्णाली प्रदेश र सुदूरपश्चिम प्रदेशका एक-दुई स्थानमा भारी वर्षाको पनि सम्भावना रहेको छ।

महाशाखाले आज राती देशभर साधारणतया बदली रहने उल्लेख गरेकाे छ ।

त्यस्तै कोशी प्रदेश, लुम्बिनी प्रदेश र सुदूरपश्चिम प्रदेश लगायत देशको पहाडी भू-भागका केही स्थानहरूमा र बाँकी भू-भागका थोरै स्थानहरूमा मध्यम वर्षाको सम्भावना रहेको पनि महाशाखाले जनाएकाे छ । महाशाखाका अनुसार कोशी प्रदेश र सुदूरपश्चिम प्रदेशका एक-दुई स्थानमा भारी वर्षाको पनि सम्भावना रहेको छ ।