पहाडी र हिमाली भु-भागका एक-दुई स्थानमा चट्याङ्ग सहित हल्का वर्षा र हिमपातको सम्भावना

हाल नेपालमा पश्चिमी वायुका साथै स्थानीय वायूको आंशिक प्रभाव रहेको छ ।

जल तथा माैसम विज्ञान विभाग, माैसम पूर्वानुमान महाशाखाका अनुसार देशको पहाडी र हिमाली भू-भागमा आंशिक बादल लागेको छ र बाँकी तराईका भू-भागमा मौसम मुख्यतया सफा रहेको छ ।

बुधबार दिउँसाे कोशी प्रदेशको  पहाडी र हिमाली भू-भाग लगायत  बागमती र गण्डकी प्रदेशको हिमाली भू-भागमा साधारणतया बादल लाग्ने र बाँकी पहाडी र हिमाली भू-भागमा आँशिक बादल लाग्ने संभावना छ ।

महाशाखाले तराई भू-भागमा  मौसम मुख्यतया सफा रहने जनाएकाे छ । महाशाखाका अनुसार कोशी र गण्डकी प्रदेशका पहाडी र हिमाली भू-भागका थोरै स्थानहरू तथा बाँकी प्रदेशको पहाडी र हिमाली भु-भागका एक-दुई स्थानमा मेघगर्जन, चट्याङ्ग सहित हल्का वर्षा र हिमपातको सम्भावना रहेको छ। 
बुधबार राती सुदूरपश्चिम प्रदेश लगायत देशको पहाडी र हिमाली भू-भागमा साधारणतया बादल लाग्नेछ र तराई भू-भागमा मौसम मुख्यतया सफा रहने छ । महाशाखाले कोशी र गण्डकी हिमाली भू-भागका एक-दुई स्थानमा मेघगर्जन, चट्याङ्ग सहित हल्का वर्षा र हिमपातको सम्भावना रहेको उल्लेख गरेकाे छ।