काठमाडौं महानगरपालिकाले ‘कल सेन्टर’ चलाउँदै

काठमाडौं महानगरपालिकाले नागरिकका गुनासा सम्बाेधनका लागि भन्दै सोमबारबाट कल सेन्टर चलाउने भएको छ ।

महानगरपालिकाको पहिलो कार्यपालिका बैठकले एक साताभित्र कलसेन्टर चलाउने निर्णय गरेकाे थियाे ।

साेही निर्णय कार्यान्वयनका लागि सोमबारबाट महानगरमा कल सेन्टर चलाउन लागिएकाे हाे ।

यद्यपि सरकारी निकायमा टाेल फ्रि नम्बर तथा फाेन नम्बरमा समेत कल गर्दा नागरिकका गुनासा सम्बाेधन हुने गरेका छैनन् । महानगरपालिकाले पनि गुनासाे सम्बाेधनका लागि भन्दै कल सेन्टर सञ्चालनमा ल्याउन लागेकाे हाे ।

त्यस्तै महानगरमा मेयर बालेन्द्र शाह बालेनकाे प्राथमिकताकाे कार्यक्रम मध्ये ‘पूर्वाधार एम्बुलेन्स’ चलाउनका लागि पनि तयारी थालिएकाे छ ।

सडक, पूर्वाधार क्षेत्रमा आएका गुनासो तत्काल समाधान गर्न पूर्वाधार एम्बुलेन्स चलाउन लागिएकाे हाे ।