मन्त्रिपरिषद पुनर्गठन

प्रधानमन्त्री शेरबहादुर देउवाले मन्त्रिपरिषद पुनर्गठन गर्नुभएकाे छ । नेकपा एकीकृत समाजवादीले यसअघि सरकारमा सहभागी मन्त्री फिर्ता बाेलाएर नयाँ व्यक्ति पठाएपछि मन्त्रिपरिषद पुनर्गठन गरिएकाे हाे ।

एकीकृत समाजवादीबाट नेताहरु जीवनराम श्रेष्ठ संस्कृति पर्यटन तथा नागरिक उड्डयनमन्त्री, मेटमणि चौधरी शहरी विकास मन्त्री, शेरबहादुर कुँवर श्रम, रोजगार तथा सामाजिक सुरक्षामन्त्री, भवानी खापुङ स्वास्थ्य तथा जनसंख्या मन्त्री र हीरा केसी स्वास्थ्य तथा जनसंख्या राज्यमन्त्री बन्नुभएकाे छ ।

राष्ट्रपति कार्यालयले विज्ञप्ति जारी गरी मन्त्रिपरिषद पुनर्गठनबारे जानकारी दिएकाे छ ।