विश्वकप २०२६ः फ्रान्स अन्तिम १६ मा प्रवेश
साविक उपविजेता फ्रान्स स्वीडेनलाई फिफा विश्वकप २०२६ को अन्तिम १६ मा प्रवेश गरेको छ ।
न्यूयोर्क न्यू जर्सी रंगशालामा बुधबार बिहान भएको खेलमा स्वीडेनलाई ३-० ले हराउँदै फ्रान्सले अन्तिम १६ मा स्थान पक्का गरेको हो ।
कप्तान किलियन एम्बाप्पेले दुई तथा ब्राडली बारकोलाले एक गोल गर्दै फ्रान्स सहजै अन्तिम १६मा प्रवेश गरेकाे हाे ।
खेलको ४५औं मिनेटमा एम्बाप्पेले गोल गर्दै फ्रान्सलाई पहिलो अग्रता दिलाएका थिए भने ५३औं मिनेटमा फ्रान्सका ब्राडलीले गोल गर्दै अग्रता दोब्बर बनाए ।
खेलको ७४औं मिनेटमा एम्बाप्पले व्यक्तिगत दोस्रो गोल गर्दै फ्रान्सको अग्रता तेब्बर बनाएका थिए ।
यो खेलमा दुई गोल गरेसँगै एम्बाप्पेले फिफा विश्वकप २०२६ मा सर्वाधिक गोल गर्ने सूचीमा लियोनल मेसीसँग बराबरी गरेका छन् । दुवैले समान ६ गोल गरेका छन् । अब फ्रान्सले क्वार्टरफाइनल प्रवेशका लागि पाराग्वेसँग खेल्नेछ ।